بشرى للموظفين.. أحمد موسى: زيادة المرتبات والأجور خلال 48 ساعة

أكد الإعلامي أحمد موسى أن الوقت الحالي هو وقت التحمل من الجميع، وهي فترة استثنائية وتنتهي مع انتهاء الحرب.

وقال أحمد موسى، خلال تقديم برنامج «على مسئوليتي» عبر قناة «صدى البلد»، إن مصر تبذل جهدًا كبيرًا جدًا، سيبكم من أي كلام آخر، سيبكم من أي رغي وتشويه، اللي بيعمله الرئيس السيسي من أجل شعوب المنطقة ودولها ربنا يكتبه في ميزان حسناته إن شاء الله، أي شوشرة سيبك منها وركز مع الأشقاء العرب في المنطقة.

وتابع: اللي بيتعمل العالم كله شايفه، مش بنشتغل في الملف ده بس، في ملفات تانية كتير، ولازم تعرفوا قوة مصر وده قدرها ومكانتها.

وفي هذا السياق، أكد أحمد موسى أنه خلال يوم أو يومين سيتم الإعلان عن زيادة المرتبات والأجور، وهتكون زيادة أعلى من نسب التضخم، موضحًا أن الجميع يترقب هذا القرار لأن أغلب المواطنين ينتظرونه.

وأردف أحمد موسى: مطعم إيه وطماطم إيه اللي أنت بتسأل عليه، أنا بكلم ناس وأصدقاء ليا ومش عاوز أتكلم، فالحمد لله مش هتكلم على فين وإيه اللي بيحصل، إحنا دائمًا حاجة واحدة، والإجراءات دي كلها استثنائية.