بيومي فؤاد ينهار من البكاء ويوجه رسالة عتاب لمحمد سلام
في تصريحات تليفزيونية مفاجئة، انهار الفنان بيومي فؤاد من البكاء خلال توجيه رسالة قاسية لمحمد سلام، لعدم دفاعه عن الفنان محمد أنور وقت عرض مسرحية زواج اصطناعي.
بيومي فؤاد يعاتب محمد سلام
أعرب بيومي فؤاد عن غضبه الشديد من تصرف محمد سلام، قائلاً: "إزاي يا سلام مدافعتش عن محمد أنور وهو ترشيحك كنت كل يوم بسأل ليه تعمل كده.. وأنا غلط بس راجل وهقول الكلام ده في كل برنامج أطلعه."
شعور بالظلم
أضاف بيومي: "حقي عند ربنا بس ليه يا سلام مدافعتش عن محمد أنور بلاش عني أنا، ودافعت عن أمير كرارة بعد ما طلعت شائعات أنه مشاك من المسلسل وعن المخرج أحمد الجندي."
مسؤولية كبيرة
أكد بيومي على كونه كبير محمد سلام ومرجعه، قائلاً: "أنا كبير محمد سلام وأنا المرجع بتاعه، وكلمته لما اعتذر عن المسرحية وقالي أنا مش قادر أنت شايف الأطفال اللي بتموت.. وقولتله بدعي ليهم قبل ما بدعي لأولادي وده أكل عيش وفيه ناس كتير بيوتهم مفتوحة من الحاجات دي."
واختتم بيومي حديثه بتأكيده على أهمية التعاون والدفاع عن زملاء المهنة، خاصة في المواقف الصعبة.
آخر أعمال بيومي فؤاد
شارك بيومي فؤاد مؤخرًا في مسلسل الكبير 8، الذي ضم عدد كبير من النجوم، ومن أبرزهم: أحمد مكي، رحمة أحمد، محمد سلام، مصطفى غريب، وعدد آخر من الفنانين.
