حلمي بكر يكشف حقيقة إهمال زوجته لحالته الصحية.. ويوجه رسالة مؤثرة للجمهور

علق الموسيقار حلمي بكر، في أول ظهور له على منصات الإعلام بعد الأخبار الأخيرة التي تداولت بشأن حالته الصحية، قائلا: أنا بحبكم جدًا بس معرفش حالة الحب اللي عندكم شكلها ايه، وزعلان من اللي بيتقال عني لكن حالتي الصحية تمنعني من التعليق.

وأضاف الفنان حلمي بكر في مداخلة هاتفية له مع الإعلامية نهال طايل ببرنامج تفاصيل المذاع على قناة صدى البلد 2: أنا موصلتش للدرجة اللي الإعلام وصفني بيها، ومفيش حاجة تخليني بإني انشغل بالتعليق عن اللي بيحصل.

واستكمل الفنان حلمي بكر: مش هقعد اتكلم في الوقت ده عن المطربين وغيره.

واختتم: الجمهور بيتطمن بالتطاول وقلة الأدب والهجوم، وأرفض الحديث والتعليق عن ما يخص حالتي الصحية وبشأن اتجاهي للسفر إلى الشرقية مع زوجتي.

وبدورها علقت سماح القرشي قائلة:" الفنان زعلان والحالة وصلت امبارح إلى 50%، والدكتور قالي اللي انتي بنيتيه في 3 شهور ضاع من اللي بيحصل، وياريت الناس تبعد عننا وتسيبنا في حالنا وكفاية كلام عنه لإن ده بيأثر عليه بالسلب".