الرئيس السيسي: كنت مدير المخابرات وشايف الأشرار اللي بينزلوا المتظاهرين بـ20 جنيه وشريط ترامادول
دعا الرئيس عبد الفتاح السيسي، اليوم الإثنين، المصريين إلى الحفاظ على بلدهم ضد المؤامرات.
الرئيس السيسي يدعو المصريين للحفاظ على الدولة
وقال الرئيس السيسي: “اللي كانوا بينزلوا الأشرار، بعشرين جنيه وشريط ترامادول، أنا كنت مدير الاستخبارات وشايف كل اللي بيتعمل في البلد”.
وأضاف الرئيس: “إنت بقى في التلفزيون بتشوف ايه، بتشوف مظاهرة فيها 50 ألف، 70 ألف. ورأي عام، والناس رافضة، والشعب يريد”. وتابع الرئيس السيسي: “إزاي ابنيلك والشعب يريد”.
وقال الرئيس: “شوفوا إن اختزلتوا العلاقة بيني وبينكم بفكرة إن أنا موجود هنا، دي قيمة تجرحني ولو أنتم حافظتم على بلدكم وحمتوها وكبرتوها. مش مهم مين موجود هنا (في إشارة إلى منصب رئيس الجمهورية). المهم هي تكمل، أنا لما بقول الكلام دا الفكرة اللي بيننا وبين بعضنا كأهل، إن مصر تفضل باقية وحية وقدام دايما بقول كدا، والله أنا دايما صادق معاكم”.
الرئيس السيسي: الداخلية كانت تعيد بناء نفسها وتكافح الإرهاب والجريمة في الوقت نفسه
قال الرئيس عبد الفتاح السيسي، إن القوات المسلحة ووزارة الداخلية دفعت تمنا كبيرا جدا، وكانت تعيد بناء نفسها وتكافح الإرهاب والجريمة في نفس الوقت.
وأضاف الرئيس السيسي خلال مؤتمر “حكاية وطن” اليوم الإثنين: "اللي عمل كدا هم أبناء الداخلية والقوات المسلحة هم اللي دفعوا تمن إعادة بناء مؤسسات الدولة حتى يتراجع شعور المواطن بالقلة.
الرئيس السيسي: أنا مع إعادة الهيكلة والتطوير المستمر لكل مؤسسات الدولة
أكد الرئيس عبد الفتاح السيسي، على ضرورة إعادة هيكلة وتطوير كل مؤسسات الدولة، قائلًا في مؤتمر “حكاية وطن” اليوم الإثنين: “أنا مع إعادة هيكلة كل حتة فيك يا مصر، لأن التطوير جزء من الحياة الإنسانية ولو انت معترفتش بيه يبقى مفردات الدينا مش هتعرفها، يعني لو قلت مؤسسة الجيش خلاص كدا تتوقف أو الداخلية أو غيرهم يبقى انت كدا بتتخلف عن عصرك”.
وأضاف الرئيس السيسي: "إن الله لن يمكن الأشرار أبدا، موضحا انهم جعلوا الكذب منهجًا.. وأنا هنا لا أهاجم أحدًا، أنا أحاول توثيق الواقع المصري في هذه الفترة للناس، التي نسيت أو مكنتش مهتمة أو حديثة السن. وفي فرق إنك تقول وإنك تعيشه؛ كحالة بكل تفاصيلها لأنك بترعى بلدك ووطنك وأهلك وناسك هيضيعوا مننا، وهو ما كان يحمل فكرة اسقاط البلد بأيدي أهل البلد، وهو إسقاط المؤسسات التي كانت قايمة عليها الدولة.
الرئيس السيسي: حذرت في 2011 من تفكيك روابط الدولة
قال الرئيس عبدالفتاح السيسي، إن التفكيك الذي حدث في مصر في 2011 كان له بعد كبير على مؤسسات الدولة المصرية.
وأضاف الرئيس السيسي خلال مؤتمر حكاية وطن، اليوم الإثنين: لهذا حذرت في عام 2011 من تفكيك روابط الدولة.
وأضاف الرئيس السيسي أيضًا: إن الله لن يمكن الأشرار أبدا، موضحا انهم جعلوا الكذب منهجا وانا هنا لا أهاجم أحدا، انا أحاول اوثق الواقع المصري في هذه الفترة للناس اللي نسيت أو مكنتش مهتمة أو حديثة السن وفي فرق أنك تقول وإنك تعيشه كحالة بكل تفاصيلها لانك بترعى بلدك ووطنك واهلك وناسك هيضيعوا مننا وهو ما كان يحمل فكرة اسقاط البلد بأيدي أهل البلد وهو اسقاط المؤسسات التي كانت قايمة عليها الدولة.
