الرئيس السيسي: التغيير لا يحدث إلا بالعمل والكفاح والصبر
قال الرئيس عبدالفتاح السيسي إن هناك فرق بين الفكرة وتنفيذها مضيفا" الدكتور احمد زويل الله يرحمه جالي في 2014 وقالي عاوز أعمل جامعة زويل قلت له أيه المطلوب مني، فطلب مني إن الهيئة الهندسية للقوات المسلحة هي اللي تنفيذه قلت له يا دكتور هل هتقدر على تكلفة الجامعة وكان معاه وقتها 500 مليون جنيه وهو مبلغ كبير في ذلك الوقت".
وأضاف الرئيس خلال مؤتمر حكاية وطن في اليوم الثالث “ فيه رجل أعمال فاضل جدا جالي في 2015 وقالي عاوز اعمل حاجة خيرية وعملت تصميماتها في أمريكا وعاوز الهيئة الهندسية هي اللي تنفذه قلت له الفكرة اللي عاوز تعملها غير قابلة للنجاح، انت بتتكلم على مستشفى تتكلف 20 مليار جنيه طب لو جبت المبلغ عدد الأسرة في المستشفى هيكون فوق الأف، طب المريض هنا في المستشفى يتكلف كام؟، عاوز على الأقل محتاج من 2 - 4 مليار جنيه تكاليف تشغيل المستشفى فقال لي أنا هكمل وانا عارف ناس وعندي ناس هيجيبوا التبرعات قلت له طيب ماشي”.
وتابع " نجاح الفكرة لا يتم الا بالفهم والإصرار على نجاحها، ممكن ناخد الفكرة اللي غير قابلة للتنفيذ وبالإصرار على تنفيذها ودعمها تنجح، موضحا أن التغيير لا يحدث الا بالعمل والكفاح والصبر ويمكن يكون الحرمان كمان.
ولفت إلى أن" المستشفى اتكلفت حتى الان 6 مليار جنيه وهتعدي الـ 10 مليار جنيه دا غير التجهيزات، واختصرنا العدد من 1000 سرير لـ 340 سرير بالمستشفى وكان من المفترض أن يتعمل لها معجل نووي قيمته لوحدها بـ 46 مليون دولار".
وتابع "احنا مستعدين إن لو أي حد عمل مستشفى، احنا نشترى الخدمة للناس ونقدمها ببلاش للناس
