رئيس مجلس الإدارة
أشرف رشاد
نائب رئيس مجلس الإدارة
دينا عبد الكريم
رئيس التحرير
أحمد ناصف
رئيس مجلس الإدارة
أشرف رشاد
نائب رئيس مجلس الإدارة
دينا عبد الكريم
رئيس التحرير
أحمد ناصف

حلا شيحة: «ميرضيش ربنا».. وتامر حسني: «معقول أقول كلام رومانسي لماجد الكدواني»

نشر
مستقبل وطن نيوز

كان من المنطقي أن يرد تامر حسني، على مزاعم حلا شيحة التي وجهت له سيلا من الاتهامات بعد نشر فيديو كليب أغنية "بحبك" على يوتيوب، التي حصلت على نسبة مشاهدات عالية (مليون ونصف مشاهدة) بعد طرحه بيومين فقط.

قال تامر حسني في نصرده موجها كلامه إلى الجمهور:"نهاركم جميل يا أغلى الناس الحقيقة عمري ما بتخيل إني أدخل في نقاش بالشكل دا مع زميل بحترمه وكان في بينا كل خير، للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً  نتناقش بيني و بينك، فا أنا مضطر  أرد هنا برضو".

وأضاف: "أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي  أوعد و أخلف.. الحقيقة إني احترمت  كلامي معاكي وعدتك أشيل مشاهد تانية طلبتيها وشيلتها بالفعل وشكرتيني عليها و لوحابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة، وبعدين الفيلم بقاله ٣ أسابيع في السينمات والكليب موجود جوه الفيلم  هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات  عادي ؟ منطق غريب فعلاً يا حلا  وبعدين هو مش أنتي اللي مضيتي عقد وتقاضيتي  عليه مبلغ كبير عشان الدور دا بعينه!.. هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك؟.

وتابع:" للتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه اختفيتي ومكملتيش تركيب صوتك في الفيلم ولا جيتي تتصوري عشان أفيش الفيلم أصلًا ومخليتيناش نعرف نعمل أفيش مجمع ! و بقيتي تقفلي تليفوناتك وتكنسلي علينا كلنا  وبعدين أي فيلم بيبقى ليه خطة مسبقه في الدعاية وإنتي عارفاها كويس.

واستكمل:" ووافقتي عليها ودا كليب رومانسي يعني معقول كنتي عايزة المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً  هو دا يُعقل ؟! أنا زعلان منك جدا يا حلا على مفردات البوست بتاعك غير الموفقه ومستحيل هرد بطريقتك اللي فيها تجريح و اتهامات باطله ليا احتراما لحجات كتير يمكن فايتاكي بس مش هتفوتني وعلى فكره انا واثق إنك عارفة اني مستاهلش منك كدا وهكتفي بالتوضيح دا و ربنا يهدي الجميع ويكتبلك كل الخير اللهم آمين".

وكانت حلا شيحة قالت  عبر حسابها بموقع "إنستجرام"، إنها تفاجأت بفيديو كليب أغنية “بحبك” والذي جمع مشاهد متفرقة من فيلم "مش أنا"، مضيفة: تفاجئت أكثر خصوصا ًبعد وعد تامر حسني لي وتأكيده أنه سيحترم رغبتي وبعض الطلبات التي طلبتها منه بكل احترام وود.

وتابعت: “الكليب ده ميرضيش ربنا وأنا عيطت لأني شوفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسى، أنا مش حتكسف من حد أنا توبت من المشاهد دي وهي لا تصح وأنا غلطت وبصلح، وأهم حاجة إن ربنا يرضي عني لأن في الآخر ده اللي حينفعنا مش الشهرة ولا النجاح لا هو مش نجاح أصلًا، علشان النجاح الحقيقي حاجة تانية خالص احنا أغلبنا ناسينها إلا القليلين منا”.

واستطردت: “الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.

فيلم "مش أنا" بطولة تامر حسني، حلا شيحة، سوسن بدر، ماجد الكدواني، قصة وسيناريو وحوار تامر حسني، إخراج سارة وفيق.