لأول مرة.. شاهد زفة بنات بالإسكوتر لإحياء فرح عروسة بالإسكندرية

قالت أسماء عبدالفتاح منسقة حفل زفاف بالإسكوتر في محافظة الإسكندرية، إن هناك تجمع كونته مع صديقاتها سائقات الإسكوتر على تطبيق المراسلة "واتس آب"، حيث اتفقن جميعا على زف أي فتاة بالإسكوتر. 

وأضافت "عبدالفتاح" في لقاء عبر تطبيق "زووم"، ببرنامج «صباح الخير يا مصر»، الذي يعرض عبر القناة الأولى: "عملنا أكتر من زفة بس الأخيرة هي اللي سمّعت بسبب الفيديوهات اللي نشرناها، واتجمعنا من أول نفق سبورتنج لحد ما وصلنا لبيت العروسة في شارع فؤاد". 

وتابعت منسقة حفل زفاف بالإسكوتر في محافظة الإسكندرية: "العروسة كانت مبسوطة جدا وزوقنا الإسكوترات بتاعتنا، وكلنا 15 بنت كنا مبسوطين بالجو، وفوجئنا بردود فعل الناس، كانوا بيهدوا العربيات ويصفقوا معانا وقالوا لنا مبروك وصورونا، وكنا مبسوطين جدا إن الناس كانت مبسوطة بينا".

وتابعت أسماء عبدالفتاح منسقة حفل زفاف بالإسكوتر في محافظة الإسكندرية: "العروسة معانا على الجروب وكانت سايقة أول واحدة قدام وكلنا كنا وراها، ومعطلناش الشارع، لكن اللي حصل معانا هو إننا لقينا الناس بتزمر وبتضرب كلاكس، واشتركوا معانا في الاحتفالات".

https://www.youtube.com/watch?v=Zh308eS4RcU