سفير التضامن.. كورال أطفال مصر يحقق حلم «ياسر» في الغناء والتمثيل| فيديو وصور
«الهدف علشان تحققه لازم تصدقه، تصدق إنك تقدر، وتنوي إنك مش هترجع عن طريقك مهما كان الصعب» بهذه الكلمات عبر ياسر أحد أعضاء فريق كورال أطفال مصر وبطل حلقة اليوم من سفير التضامن.
وقال ياسر: «حبي للغناء بدأ من صغري.. كان عندي حلم، كنت دايما بشوف نفسي واقف على خشبة المسرح بغني وكل الناس بتسمعني.. وفعلا حلمي اتحقق مع وزارة التضامن الاجتماعي.. جالي الفرصة إني أغني مع أوركسترا كورال أطفال مصر تحت قيادة المايسترو الكبير سليم سحاب.. الكورال أسسته وزارة التضامن الاجتماعي عام 2014 بفكرة ملهمة من المايسترو سليم سحاب.. بإنشاء كورال من أبناء دور الرعاية التابعة للوزارة».
وتابع: «المايسترو صدق موهبتي وآمن بحلمي.. وأثّر كتير على شخصيتي.. بفرح لما ألاقي الناس بتسمعني في الحفلات وبتسقفلي وبيقولولي بنستنى الحفلات دي عشان نسمع صوتك».
وأضاف: «أنا كمان بحب التمثيل جدًا.. شاركت في عروض مسرحية كثيرة أهمهم بالنسبة لي كان شكوكو في أوبريت ليلى مراد دلوقتي أنا تخرجت من معهد الموسيقى ومكمل في حلمي إني أكون فنان كبير وصوتي يوصل لكل الناس».
