إصابة مستشار وزيرة الصحة بفيروس كورونا

أعلن المهندس أيسم صلاح، مستشار وزيرة الصحة لتكنولوجيا المعلومات، إصابته بفيروس كورونا المستجد. 

وكتب «صلاح»، عبر صفحته الشخصية على فيس بوك قائلًا: «عايز أشكر كل اللى سأل عليا، لإصابتي بكورونا، سواء على واتساب أو بالتليفون أو على فيس بوك، ومقدرتش أرد عليه، لأني مش قادر أتكلم الحمد لله".

وتابع: "أنا ومراتي والولاد بخير، ودعواتكم إن الموضوع يعدي بخير إن شاء الله، بحمد ربنا سبحانه وتعالى على ابتلائه وقضائه اللي دايما كله رحمة، ويمكن تكون دي فرصة، لأن الكام سنة اللى فاتت كان 95% من وقتي، مخصصه للشغل، قناعة مني إنها فرصة من ربنا، لازم استغلها في خدمة أكبر عدد ممكن من الناس، ومساعدتهم وتطوير اللى أقدر عليه، فيمكن تكون دى فرصة، عشان أقدر أقعد مع الولاد شوية، وأعوضهم عن اللى فاتهم، وأشحن البطارية، وأرجع تاني جندي مجند في خدمة الوطن.. شكرًا لكل زمايلي وأصدقائي ودعواتكم».