لقاء الخميسي عن تألق محمد عبد المنصف: «أوسه يستحق منتخب مصر»

وجهت لقاء الخميسي، رسالة لزوجها محمد عبد المنصف، حارس مرمي وادى دجلة، مؤكدةً أنه يستحق الانضمام لمنتخب مصر، وذلك بعد تألقه اللافت فى حراسة مرمي فريقة خلال الفترة الماضية.

وكتبت لقاء الخميسي، على صفحتها الرسمية على «فيسبوك»: " من يومك راجل في الملعب كنت دايما راضي وقانع وبتتحمل أخطاء وتخاذل الغير بدون كلل ولا ملل ولا شكوى، صوتك واطي ورامي حملك على الله وعمرك ما اشتكيت ومركز في حلمك وحبك الأول "الكورة".

وتابعت لقاء الخميسي:" اتحاربت كتير ومازالت الحرب قائمة ومع ذلك صامد كالجبل يا حبيبي ومش شايف غير حلمك "

وأضافت لقاء الخمسي:" النهارده وفي اللحظة دي وبعد سنين انتظار وحلم وجودك تاني في منتخب بلدك، وبعد صبر كتير وطويل وثقتك في حلمك لو فعلا ماخدتش مكانك اللي تستحقه في منتخب مصر يبقى أكيد في حاجه غلط !".

وكتبت هاشتاج :" #اوسه_يستحق_منتخب_مصر".