الرئيس السيسي: «تجهيزات قوات الداخلية لحماية مصر وشعبها مش لحمايتي»
أشاد الرئيس عبدالفتاح السيسي، ببطولة وتضحيات شهداء الوطن؛ التي أفضت إلى حماية الدولة وشعبها من المخاطر والتهديديات، التي شهدتها خلال السنوات الماضية.
وقال الرئيس السيسي، خلال الاحتفال بعيد الشرطة الـ74: «كل شهيد سقط لو كنا مصدقين.. إن فيه نهاية وهنقابل ربنا كلنا.. عزاؤنا في الشهيد رامي هلال وإللي زيه.. دي أسرة بتتألم وإحنا والله بنتألم».
وأضاف: «أوعوا تفتكروا إن الشهيد راح كده يعني.. مراحشي كده.. مش فطيس.. مش حادثة في الطريق.. قدم علشان بلده تعيش.. وإللي استشهدوا لهم عند ربنا فضل كبير.. أحياء عند ربهم يرزقون.. التجهيزات الأمنية القوية علشان بلدنا فقط.. من غير ما أجيب كلام.. دول لحماية بلدنا وشعبها وبمقدراته.. مش حماية لحد.. مش لحمايتي والله.. والله والله مش لحمايتي».
الشرطة تتكون من أبناء مصر
أكد الرئيس السيسي، أن قوات الشرطة تتكون من شباب مصر، وهم أولاد مصر، وليسوا من ميلشيات أو جماعات.
وعلق، على صورة الاصطفاف لقوات الشرطة: «إحنا مش بنحمي نظام، إحنا بنحمي دولة بشعبها، وليس شخص.. هدفنا حماية شعب ودولة من مخاطر وتهديدات شوفناها خلال السنين إللي فاتت».
