أرملة إبراهيم شيكا تحيي ذكرى ميلاده برسالة مؤثرة: «كل سنة وعيدك في الجنة»
أحيت هبة التركي، أرملة اللاعب الراحل إبراهيم شيكا، ذكرى ميلاده برسالة مؤثرة نشرتها عبر حسابها الشخصي على موقع «فيسبوك»، عبّرت خلالها عن شوقها الكبير وحزنها لغيابه.
وكتبت هبة:«النهاردة عيد ميلاد إبراهيم، عيد ميلاده الـ29، بس هو مبقاش موجود معانا… عيد ميلادك ده هيعدي عليك من غير وجع وحقن ومن غير سرطان يا حبيبي، لكن علينا أصعب يوم في الدنيا… إزاي مبقتش موجود وإزاي في لحظة مشيت كده، إزاي عدى عليك 9 شهور مش موجود في الدنيا، هتفضل غايب حاضر في قلبي لآخر نفس فيا».
وأضافت في دعاء مؤثر:«كل سنة وعيدك في الجنة يا حبيبي، تعوض شبابك في الجنة، اللهم اطعمه من الجنة واسقه من الجنة وأره مقعده في الجنة، اللهم عافه واعفُ عنه وأكرم نزله ووسع مدخله، واغسله بالماء والثلج والبرد، ونقِّه من الذنوب والخطايا كما يُنقى الثوب الأبيض من الدنس».
واختتمت رسالتها قائلة:«وحشت أنس وكيان أوي يا إبراهيم، وحشتنا أوي، مفتقدينك والله العظيم، كل حاجة ناقصة من غيرك… ربنا يجمعنا بيك ويهون علينا الدنيا في غيابك، مكانك هيفضل موجود بينا يا حبيبي، نسألكم الفاتحة لفقيدي وزوجي الغالي إبراهيم شيكا».
ولاقت الرسالة تفاعلًا واسعًا من المتابعين، الذين حرصوا على تقديم الدعاء والمواساة لأسرة اللاعب الراحل.
