كل ده علشان معزمتوش.. ناصر البرنس يكشف سبب محاولة شقيقه إشعال النار في نفسه
نشر ناصر البرنس مقطع فيديو من داخل مستشفى، للاطمئنان على حالة شقيقه ماريو، بعد قيام الأخير بإشعال النيران في نفسه أمام محل البرنس الجديد بمدينة الشيخ زايد، نتيجة خلافات أسرية ومشاكل مالية بينهما.
وقال البرنس في الفيديو: "أهلاً وسهلاً بكم، اليوم بصبّح عليكم من المستشفى، ونشكر ربنا سبحانه وتعالى على الناس اللي وقفت جنبنا وسهلت علينا، وأخونا ماريو الحمد لله ما فيهوش أي حاجة.. الموضوع كله عشان أنا ماعزمتوش في أول يوم افتتاح، ولّع في نفسه، أحنا مش متوقعين حاجة زي كده."
وأضاف: "الحمد لله هو سليم، ما فيهوش أي حاجة، ونشكر كل الناس اللي وقفت جنبنا، وما يعملهاش بقى يا عم ماريو تاني، أنت هتعملها في إمبابة؟ إن شاء الله أعزمك.. هو أخويا الوحيد وما فيهوش أي حاجة."
وأشار البرنس إلى شكر كل العاملين والستاف على وقوفهم إلى جانبه في الموقف الصعب، مختتمًا حديثه: "الحمد لله اطمئننا عليه ما فيهوش أي حاجة، ده أخويا وحبيبي ماريو، وكل سنة وأنتم طيبين."
يُذكر أن النيابة العامة بالجيزة تواصل التحقيقات في الواقعة، بعد نقل ماريو لتلقي العلاج، مع جمع التحريات والاستماع لأقوال الشهود لتحديد ملابسات الحادث واتخاذ الإجراءات القانونية اللازمة.
