بشرب سحلب.. نشوي مصطفي تنفي شائعة وفاتها بطريقة ساخرة

نفت الفنانة نشوي مصطفي شائعة وفاتها التي انتشرت مؤخرًا على مواقع التواصل الاجتماعي، بطريقة ساخرة، حيث كتبت عبر حسابها الشخصي على فيس بوك: "الناس اللي بتاكل عيش من الإشاعات، مرة إشاعة إني توفيت ومرة إشاعة إني اتخانقت مع زميلة فشتمتها فقبضوا عليا وسجنوني في عنبر الخطيرين"

وتابعت:"آسفة في اللي هاقوله، بس أي حد بيألف إشاعات… أنتم ناس مش محترمين بجد وأنا بطمن كل الناس اللي بتحبني أنا في بيتنا وبشرب سحلب ولابسة لكلوك، وهقوم أصلي العشاء وأدعي على الناس اللي مش محترمين بتوع الإشاعات."

وأشارت الفنانة إلى أن الفيديو الذي ظهر فيه معها ابنها كان يوم وفاة زوجها رحمه الله، مؤكدة أنها عادت للعمل بسبب التزاماتها المهنية.

وخلال ظهورها في برنامج "سفرة" على قناة CBC، انهارت نشوي مصطفي من البكاء وهي تتحدث عن زوجها، وقالت: "الحقيقة أنا مش عارفة أبتدي الحلقة إزاي، فيه التزامات والحياة بتجبرنا على الشغل. أنا ما كنتش عايزة أكون موجودة النهارده عشان ما أحبش أزعج حضراتكم بشيء شخصي… ومن فضلكم اللي بيحب ربنا ادعوا لزوجي بالرحمة."