البهوات اللي في الاستديوهات لازم يهدوا.. حسام حسن يرد على الانتقادات

وجّه حسام حسن، المدير الفني لمنتخب مصر، ردودًا قوية على موجة الانتقادات التي طالت الجهاز الفني، خاصة بعد الخسارة أمام أوزبكستان في نصف نهائي دورة العين الودية بالإمارات.

وقال حسن في تصريحات لقناة أون سبورت: "مشاركتنا في دورة العين تدريبية في المقام الأول، سواء كسبنا أو خسرنا. أعتمد على كل اللاعبين المتاحين، ومعظم الفريق يعاني من إصابات. نحن في مرحلة بناء فريق جديد، والتجارب تهدف لاختبار طرق اللعب وتقييم العناصر المختلفة."

وأكد المدير الفني أن الاختبارات والتجارب جزء من عملية التطوير: "إحنا بنجرب وهنشوف أفضل طريقة نمشي بيها. حتى المنتخبات الكبيرة بتتأثر.. المغرب مثلًا لما يغيب حكيمي يقولوا الفريق ناقص رغم النجوم."

ردود حادة على المنتقدين
وفي رده على الانتقادات الموجهة له، قال: "البهوات اللي في الاستديوهات لازم يهدوا. فيه ناس نفسيتها وحشة وبتتكلم لمجرد الهجوم. لو كنت مدرب أجنبي كانوا عملوا لي تمثال."

وأضاف: "ليه بنصبر على الأجنبي وما نصبرش على المصري؟ أنا باجتهد وبحب بلدي وبشتغل بكل طاقة الجهاز. اللاعبين لعبوا 4 مباريات في 10 أيام، وده حمل كبير جدًا."

وتابع مخاطبًا الجماهير: "أنا مش باخد رزق حد، وهاشتغل زي الأجانب بالظبط.. ده شغلي وده اللي شايفه صح. السوشيال ميديا خربت بيوت وبلاد، وإن شاء الله نفرّح مصر بمنتخبها."

وحول الهدف الذي استقبلته مصر من أوزبكستان، أوضح: "غلطنا في الهدف الأول، لكن يطلع فنان يتريق! ليه؟ كلنا بنغلط.. والأهم إننا نتعلم."

واختتم المدير الفني تصريحاته مؤكدًا إنجازات الجهاز الفني: "كنا بنفرح بمدرب أجنبي أظهر لاعب أو اتنين.. النهارده إحنا طلعنا قد إيه؟ اهدوا على بلدكم.. والجهاز ده وصل كأس العالم وأمم إفريقيا من غير هزيمة."