عمرو محمود ياسين يدافع عن مخرج احتفالية افتتاح المتحف المصري الكبير: "بالراحة شوية يا جماعة"
دافع المؤلف عمرو محمود ياسين عن مخرج احتفالية افتتاح المتحف المصري الكبير بعد موجة الانتقادات اللاذعة التي تعرض لها عبر مواقع التواصل الاجتماعي خلال الساعات الماضية.
وكتب عمرو محمود ياسين عبر حسابه الرسمي على فيسبوك:"يا جماعة خلاص عيب والله العظيم عيب، مش معقول يعني لو فرضًا إن المخرج عنده بعض الأخطاء، مش معقول السوشيال ميديا كلها طالعة يا تهاجمه يا تستظرف عليه يا يتنمروا عليه، واللي بينزل صورته وحاجات غريبة جدًا".
وأضاف:"كأن الراجل المحترم ده مالوش أهل وزوجة وأولاد وأب وأم، حد فكر فيه هينام الليلة دي إزاي؟ حد فكر في أسرته؟ في الأول والآخر اللي مش عاجبه الإخراج فالمسألة كلها لا تتعدى عدم التوفيق".
واختتم عمرو محمود ياسين منشوره قائلًا:"عادي كلنا ممكن نعمل شغل وننجح أو ما نوفقش، ليه المشانق اللي بتتعلق دي؟ وفي الآخر لما حد بيجراله حاجة من الضغط النفسي بنزعل، أنتم متخيلين الراجل ده بقاله قد إيه تحت ضغط نفسي رهيب ومجهود كبير؟ بالراحة شوية، مش كده".
