«مش ممكن أقلعه أبدًا».. هلا رشدي تكشف قصة ارتدائها الحجاب وتوجه نصائح للفتيات

كشفت الفنانة هلا رشدي كواليس ارتدائها الحجاب، مؤكدة أنها اتخذت هذا القرار عن قناعة تامة في سن مبكرة، ولا تفكر مطلقًا في التراجع عنه أو خلعه.

وقالت هلا رشدي في مقطع فيديو نشرته عبر حسابها الرسمي على موقع "إنستجرام"، إنها ارتدت الحجاب لأول مرة في سن 16 عامًا، في أول أيام شهر رمضان، مضيفة: "والدي قال لي وقتها: لو مش مستعدة تلبسيه، قلعيه دلوقتي، لأني معنديش بنات تلبس الحجاب وبعدين تقلعه.

وشددت على تمسكها بالحجاب، قائلة: "مينفعش حاجة زي دي تخطر على بالي، ولو بصينا للحرية من منظور مختلف هنلاقي إن الحرية الحقيقية هي إنك تمنعي نفسك من شهواتك مش إنك تسيبي نفسك لها.

وأضافت: "كل ما حاولتي تظبطي لبسك، ده هيسهّل خطوة الحجاب.

وجهت نصائح للفتيات وتحذيرات من "أظافر الإكريليك"

ولم يكن هذا الظهور هو الأول لهلا رشدي في تقديم نصائح للفتيات، حيث سبق وأن تحدثت عن حرمانية بعض المظاهر الجمالية مثل أظافر الإكريليك، محذّرة من تأثيرها على صحة الصلاة.

وفي فيديو سابق عبر صفحتها الرسمية على "فيسبوك"، قالت هلا: "لازمتها إيه الضوافر دي؟ لو أنتي فارق معاكي موضوع الصلاة، بلاشها. ولو مش بتصلي ومش مهتمة، مش هقنعك تصلي، بس على الأقل متقوليش ادعولي بالهداية وانتِ مش بتسعي ليها.

وأضافت: "الست لما تجهز وتتحط في الكفن، الضوافر الصناعية دي مش هتنفع، وهنزعل لما نلاقي مفيش حد يقدر يشيلها قبل ما تقابلي وجه كريم.