كارول سماحة: بخاف من الموت والمرض.. ورحيل زوجي وجعني
عبرت النجمة كارول سماحة في ظهورها الأول بعد الرحيل المفاجئ لزوجها المنتج وليد مصطفى قبل عدة أشهر عن حزنها، قائلة: "أي حد حضنته في عزاء زوجي كنت أشعر أنه أخي حتى اللى معرفوش، كنت محتاجة الأمان".
وأضافت كارول سماحة، خلال حلولها ضيفة ببرنامج "معكم منى الشاذلي" على قناة "ON": "مقدرتش أودع زوجى فى المسجد فقط وحبيت أودعه في المقابر، وبشكر كل الناس اللى وقفت جمبى من الزملاء والفنانين، منهم منى الشاذلى، مؤكدة أنها شعرت أن من حضر العزاء أتى عن حب.
وتابعت كارول سماحة: "بخاف من الموت والمرض، ولما دخل علينا المرض في مرض زوجي وليد فى حاجات كتير اتغيرت، وأكتر حاجة وجعتنى لما كان بيجهزنى إنه هيودعنا، وده اللي أثر علينا وعلى طاقة البيت".
واستطردت: "زوجى كان بيلعب معانا زى الأطفال، وعشنا سنين طويلة مع المرض، واتفقنا على أن نخفى المرض عن الناس، علشان منشوفش نظرة التعاطف"، متسائلة: "لو الناس عرفوا أنى حزينة دا هيفيدنى في إيه؟".
