«العقل ملوش مكان».. تصريحات شريف إكرامي يثير الجدل
أثار شريف إكرامي حارس مرمي نادي بيراميدز الحالي و الأهلي الأسبق، الجدل بنشره رسالة نارية غامضة فسرت على أنها لمنتقدي حسام غالي عبر حساباته على مواقع التواصل الاجتماعي.
وكتب شريف إكرامي عبر منصة «إكس»: «مشكلتنا إننا لسه بنتعامل مع النقد كأنه خيانة، ومع الاختلاف في الرأي كأنه تهديد،عندنا تطرّف شديد في تصنيف الأمور يا أبيض يا أسود، يا ملايكة يا شياطين».
وأضاف: «نفس الشخص ممكن يبقى كادر ومستقبل النادي الصبح، وخاين بالليل لمجرد إنه قال كلمة صادقة حتى لو في نظر البعض خانه التوقيت والتقدير».
«العقل ملوش مكان»
وتابع شريف إكرامي حديثه قائلاً: «ده يورينا إن اللي بيحرّك المشهد دلوقتي مش عقل ولا موضوعية، ده مزاج لحظي وانفعال أعمى، والعقل مالوش مكان في الساحة أصلاً».
وواصل: «لأن في الحقيقة اللي بيحرّك الصورة مش بس العواطف والانتماءات والارتباط بالأشخاص، لكن كمان مصالح وصراعات خفية بتوجّه وتتحكم وتحدد مين يبقى بطل النهارده ومتهم بكرة».
وأكمل شريف إكرامي: «وسط كل ده، الجمهور بيُستغل وبيتحوّل من شريك واعٍ لمجرد أداة بيتم اللعب بيها حسب المصلحة، الخلاصة إن المشهد محتاج عقل يوزن ويقود».
وأتم حديثه قائلاً: «مش مزاج لحظي يغيّر الحقائق ولا مصالح خفية تتحكم في المصير».
