الظهور الأول لنجل تامر حسني بعد خروجه من المستشفى
لأول مرة ظهر آدم ابن الفنان تامر حسني رفقة والدته الفنانة بسمة بوسيل من خلال صورا لها خلال رحلتها لسويسرا، وظهر بصحبتها ابنها آدم الذي خضع لعملية جراحية مؤخرا إثر انفجار الزائدة الدودية.
وظهرت آدم تامر حسني من ظهره، وأخفت بسمة ملامح وجهه هو وشقيقته أمايا، وظهرا من ظهرهما وهما يسيران بجوار والدتهما.
كان تامر حسني كشف عن تطورات حالة ابنة "آدم" الصحية وكتب عبر حساباته في مواقع التواصل الاجتماعي: "لكل الغاليين اللي اهتموا بتعب ابني الحمدلله الوضع مستقر بعد العملية التانية، وخرج من العناية المركزة بفضل الله ثم دعواتكم اللي لو عشت أشكركم عمري كله مش هوفي حقكم وربنا يتمم الشفاء على خير، ودايماً بقول على دعواتكم الكريمة: لكم مثلها وأضعاف أضعافها. شكراً يا أغلى الناس ربنا يحفظكم. ويحفظ ولادكم قادر ياكريم".
تفاصيل آدم نجل تامر حسني الوعكة الصحية
وكشف تامر حسني عن تفاصيل الوعكة الصحية التي تعرض لها ابنه، وكتب عبر حسابه بموقع فيسبوك: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا و على تليفوني و تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس، واعملوا سونار على البطن والزايدة مرة و٢ عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة".
