«سلسلة بتسحبك بعيد عن نفسك وعن ربنا»..  الأوقاف تحذر من مشاهدة المحتوى الإباحي على الإنترنت

حذرت وزارة الأوقاف من مشاهدة المحتوى الإباحي على منصات الإنترنت، مما له من اثار خطيرة على حياة الفرد والمجتمع، فضلًا عن "حرمانية تلك الأفعال المحرمة.

مشاهدة المحتوى الإباحي على الإنترنت

وقالت وزارة الأوقاف في منشور لها عبر صفحتها بمواقع التواصل الاجتماعي:" المحتوى الإباحي مش لحظة متعة.. دي سلسلة بتسحبك بعيد عن نفسك وعن ربنا  وعن النور، في زمن الانفتاح الرقمي، بقت "نظرة واحدة" كفيلة تفتح بوابة لجحيم داخلي، ونظرة بتظلم القلب، وتسرق النور من عينك، وتخلّي الطمأنينة تهرب من روحك.

وتابعت في منشورها:" كتير من الشباب بيقولوا: "أنا مش بعمل حاجة... ده مجرد مشاهدة!" لكن الحقيقة؟، اللي بتشوفه مش بيعدّي، ده بيستقر جواك، وبيسمّم خيالك، ويعيد تشكيل نظرتك لنفسك، وللي حواليك، ولربنا!، الإباحية مش بس ذنب، دي إدمان بيدمّر: ـ بتعزل الإنسان عن واقعه، وتفصله عن أهله، وتخليه يتعامل مع الناس بسطحية وجفاف.

الإباحية مش بس ذنب دي إدمان بيدمّ

واضافت:" بتشوّه صورة الحب الحقيقي، وتحوّل العلاقة الزوجية إلى صراع توقعات مشوّهة، بتخلي الإنسان ضعيف الإرادة، مهزوز الشخصية، دايمًا عنده شعور بالذنب وفقدان السيطرة، وفي مراحل متقدمة، بيبدأ المدمن يحس بـ: ـ فراغ داخلي قاتل، اكتئاب مزمن، عدم رغبة في الحياة، ضعف التركيز، وانعدام بركة في الرزق والعمل والوقت.

وتابعت الأوقاف:" ربنا سبحانه وتعالى قال:"قُل للمؤمنين يغضّوا من أبصارهم ويحفظوا فروجهم، ذلك أزكى لهم" [النور: 30] غضّ البصر مش تحجيم.. دي حرية حقيقية،  حرية من الذنب، من التشتت، من العبودية للهوى، ولو وقعت، لسه الباب مفتوح، وربنا اسمه "التواب"، و"يحب التوابين"، و"يبدّل سيئاتهم حسنات".

وقالت في منشورها:" ابدأ النهارده امسح كل مصدر يوصّلك للحرام، وصلّ ركعتين توبة بدموع صادقة، واملأ وقتك بمحتوى نقي، يُحيي القلب، ويرجعك للنور.. اللهم طهّر قلوبنا من النفاق، وأعيننا من الخيانة، وألستنا من الكذب، ونفوسنا من الهوان.