ليلى أحمد زاهر: هذه رسالة «أعلى نسبة مشاهدة»

علقت الفنانة ليلى أحمد زاهر  على رسالة مسلسل "أعلى نسبة مشاهدة" الذي عرض في النصف الأول من رمضان 2024.

مسلسل "أعلى نسبة مشاهدة" من بطولة سلمى أبو ضيف في دور "شيماء فتحي" وهي طالبة تحقق شهرة مفاجأة على تطبيق تيك توك ولكن حياتها تنقلب رأسًا على عقب وتتورط في عدة جرائم آداب.

تلعب ليلى أحمد زاهر دور "نسمة"، شقيقة "شيماء"، وهي تغير منها لدرجة تصل لإفسادها حياتها بأكثر من طريقة لأنها سعت وراء الشهرة من قبلها.

سلمى أبوضيف وليلى أحمد زاهر
 

وكشفت ليلى أحمد زاهر رأيها في تطبيق TikTok قائلة: "في حاجات على تيك توك محتاجة رقابة في حاجات بتتعمل مش صح، مش رسالتنا ان لو حد عمل زي شيماء المفروض يخرج من السجن، اللي غلط معروف إن هو يتعاقب، بدليل إن النهاية شيماء اتحبست، مخليناش القاضي يتعاطف معاها وقلنالها يلا أخرجي".

ليلى أحمد زاهر
 

وأضافت ليلى: "في حاجات مش كويسة وناس غصب عنها زي نسمة وشيماء معندهمش حد يهتم بيهم ويقولهم كلام حلو، الأم دايما بتضايق شيماء، وبتعلق على الحاجات السلبية، لو أهلنا ادونا اهتمام، مش هندور عليه برا، الناس اللي على تيك توك مش لاقية حد مهتم بيها أو يعبرها ولا أي حاجة فبتخش تكلم ناس متعرفهاش وبتعمل حاجات غريبة وأنا ضد ده فلازم يبقى في رقابة على الحاجات دي".

يذكر أن مسلسل "أعلى نسبة مشاهدة" متاح على منصة شاهد وهو من إخراج ياسمين أحمد كامل ومن تأليف سمر طاهر وشارك في بطولته فرح يوسف، انتضار، إنعام سالوسة، محمد محمود، إسلام إبراهيم، يوسف عمر، محمد فهيم، إلهام صفي الدين، هند عبد الحليم ومحمد علاء.