بطريقة سهلة وبسيطة.. خطوات تقدير دار الإفتاء قيمة زكاة الفطر

نشرت الصفحة الرسمية لدار الإفتاء المصرية على صفحتها بموقع التواصل الاجتماعي فيسبوك خطوات خطوات تقدير دار الإفتاء قيمة زكاة الفطر .

وقالت الإفتاء" حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
 

قيمة زكاة الفطر 

وأضافت" طيب سعر أردب القمح كام السنة دي  ٢٠٠٠ جنيه مصري من أحسن الأنواع
وأردب القمح فيه ١٥٠ كيلو، يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا، طيب والزكاة أد ايه في القمح ( ٢.٠٤ كيلو)، يبقى نضرب ٢.٠٤كيلو * ١٣.٣٣، يطلع الناتج ٢٧.١٩ جنيه مصري

زكاة الفطر ٣٥ جنيها
وقالت دار الإفتاء إنه ٣٥ جنيها يعني زودت كمان عن الحد الأدنى بشويه و٣٥ جنيها الحد الأدنى (يعني طلع أكتر من ٣٥ جنيه لو معاك ودخلك يسمح لك)، بس اللى مش هيقدر فأقل حاجه يطلعها عن الفرد ٣٥ جنيها، طيب أنا شايف إن ٣٥ جنيها قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيها ولا تلزم غيرك يطلع زيك لأن ممكن يكون غير قادر كمان تقدر تطلعها  فلوس لا تشتر بها شيء لأن بعض الناس مفكره إن ناخد الفلوس نشتري بها أرز مثلا، لا.. طلعها فلوس وربنا يتقبل منك.

موعد إخراج زكاة الفطر 
وتابعت كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم.