أستاذ بجامعة الأزهر: أول ليلة في رمضان كلها نفحات وعطايا ربانية
قال الدكتور هاني تمام، أستاذ الفقه بجامعة الأزهر الشريف، إن فى أيام معينة اختصها بمزيد من الهبات والعطايا الربانية، وممكن نفحة واحدة من هذه الصفحات تصيب العبد تغير حالة للأفضل، مستشهدا بحديث سيدنا النبى محمد صلى الله عليه وسلم: "إن لربكم في أيام دهركم نفحات، فتعرضوا لها، لعله أن يصيبكم نفحة منها فلا تشقون بعدها أبدًا".
وأضاف أستاذ الفقه بجامعة الأزهر الشريف، خلال حوار مع الإعلامية مروة شتلة، بحلقة برنامج "البيت"، المذاع على فضائية "الناس"، اليوم الأربعاء: "اول ليله فى رمضان هى اعظم نفحة ربانية، ويطلع الله على العباد وينظر لهم فمن نظر له لن يعذبه ابدا كما ابلغنا سيدنا النبى محمد صلى الله عليه وسلم".
وتابع: "نظرة الله تكون فى القلب، وكلما كان القلب نقيا صافيا، وعلشان كده لازم نصفى قلوبنا قبل اول ليلة فى رمضان، حتى تكون متفرغ باطنى وظاهري، واصلح حالك مع كل من حولك"
وأوضح: "الجو العام فى رمضان هو الشعور بالسكون والهدية، ده ليه علشان ربنا بيحجز عننا الشيطان والجن، لانهم بينشروا جو من الكابة والحزن بين الناس، وتغلق ابواب فلا يفتح منها باب، وتفتح ابواب الجنة ولا تغلق، لذلك يا حظه من يموت فى رمضان هيكون ابواب الجنة كلها مفتوحة، انوي خير وادخل رمضان، ده فى ناس بتستى رمضان علشان تدعى على اللى مزعلينهم".
