فتاة تقفز من سيارة أوبر هربًا من محاولة خطف.. تفاصيل مروعة لتوصيلة تحولت إلى كابوس
استقلت حبيبة الشماع سيارة أوبر من مدينتي متوجهة إلى مصر الجديدة، لتتحول رحلتها إلى كابوس بعد تصرفات غريبة من سائق السيارة، حيث قام برفع صوت الأغاني بشدة والقيادة بسرعة، مما أثار خوفها.
محاولة التواصل مع العائلة
حاولت حبيبة التواصل مع والدتها هاتفيًا، لكن صوت الأغاني كان مرتفعًا، وانقطع الاتصال. ولم تعرف أسرتها بالواقعة إلا بعد تواصل صديقات حبيبة معها، حيث أخبرهن أحد الأشخاص أن حبيبة قفزت من السيارة أثناء تحركها، بطريق السويس، بعد تعرضها لمحاولة اختطاف.
نتيجة سقوطها من السيارة، أصيبت حبيبة بنزيف داخلي، وعدة كسور وجروح وسحجات. وتم نقلها إلى أحد المستشفيات في حالة فاقدة للوعي، وخضعت لعملية جراحية عاجلة.
أسرة حبيبة الشماع تكشف تفاصيل محاولة خطفها
وكتبت ابنة عم حبيبة الشماع، على أحد مواقع التواصل الاجتماعي: «أنا بكتب الـ post ده علشان احكي ليكم اللي حصل لبنت عمي علشان أولا عاوزاكم تدعولها ربنا يشفيها ويرجعها لينا بالسلامة حالتها لسه في خطر.. حبيبة فاقده الوعي وعندها نزيف في المخ مش بيوقف ومحطوطة علي ventilator .. ثانيا خدوا بالكم من نفسكم ومن بناتكم الناس بقوا مؤذيين ربنا يبعد عنا شرور الناس.
وأضافت: «حبيبة ركبت Uber من مدينتي وكانت رايحه مصر الجديدة الساعة 6:50 مامتها كلمتها في التليفون مكنتش سمعاها كويس علشان صوت الكاسيت كان عالي أوي والراجل كان بيتخانق في التليفون. حبيبة طلبت منه يوطي الكاسيت قالها لاء وكان بيبرطم بالكلام مامتها مكنتش سامعة هو بيقول إيه قالتلها ماله ده حبيبه قالت لها مش عارفه ماله و قفلت بعدها.. أصحاب حبيبة كلموها يشوفها وصلت فين رد عليهم واحد قال لهم صاحبت التليفون دي وقعت من العربيه قعدت تتشقلب لحد مخبطت في الحاجز الاسمنت اللي على طريق السويس ولما راح يسالها ايه اللي حصلك قالت Uber كان عاوز يخطفني و جالها تشنجات و فقدت الوعي.
وتابعت: «أنا معرفش حصل إيه يخوفها بالشكل ده ترمي نفسها والعربية بتجري بس أنا عارفه كويس إن حبيبه بتخاف على نفسها وأكيد هو رعبها. السواق اختفى بعد ما وقعت ولا طلب إسعاف ولا وقفلها وقفل الموبايل .. أنا عاوزة اختي ترجعلنا ادعولنا.. أنا عاوزة اجيب حقها ربنا ينتقم منه أشد انتقام.
القبض على المتهم
ألقت الأجهزة الأمنية القبض على سائق أوبر المتهم بمحاولة خطف حبيبة. ولا تزال التحقيقات جارية لمعرفة ملابسات الواقعة.
تفاعل العديد من رواد مواقع التواصل الاجتماعي مع قصة حبيبة، داعين لها بالشفاء العاجل والعدالة. وأثارت الواقعة مخاوف الكثيرين من مخاطر استخدام تطبيقات طلبات السيارات.
