هالة صدقي تستعد للانقلاب على الملكة صفصف
تستعد الفنانة هالة صدقي للانقلاب على شخصية الملكة صفصف التي جسدتها خلال مسلسل "جعفر العمدة" وحقق نجاحا كبيرا، في الوقت الذي تخشى فيه هالة صدقي أن يحصرها المخرجون في الفترة المقبلة في شخصية الملكة صفصف لاستثمار نجاح الدور.
وقالت هالة صدقي في خلال لقائها مع برنامج "معكم": “أنا بعتبر إن نجاحي في المسلسل ده هو نجاح لبنات جيلي كله.. هما مش مهتمين بينا وبيحاولوا باستمرار ينزلونا درجة تانية وبيحاولوا باستمرار إن هما ما يدوناش حقنا ولا يستغلوا خبراتنا ما بيعملوش كده وبيستسهلوا وعارفة اللي هو نجح في دور وكيل نيابة فيبقى طول عمره وكيل نيابة.. ويمكن دي المشكلة اللي أنا هواجها إن كل الأدوار اللي هتجيلي بعد كده (صفصف) أنا متأكدة وده اللي خلاني لما عملت (أرابيسك) ونجح النجاح الشديد ده كنت خايفة وجالي أدوار بعد كده حاسة إن فيه (توحيدة) يعني بقت الحاجات اللي بتجيلي تكملة لـ (توحيدة)”.
وأوضحت هالة صدقي: "أنا من حبي وخوفي لشخصية (توحيدة) رفضت اللون ويمكن بحكم عدم الخبرة قفلت على السكة دي خالص لإني خايفة على نجاح "توحيدة" أنا عايزة تفضل ناجحة طول الوقت.. فقولت لازم أقلب بسرعة أعمل حاجة تانية غير يمكن بعدت أوي عن منطقة الشعبي".
وأضافت: "التشابه بيني وبين شخصية "صفصف" إن أنا مش بزوق الكلام أنا بقول الحاجة من غير فلتر بتطلع كده.. فيه طبعًا اللي عارفني تمام واللي مش عارفني بيتخض شوية بس لأ اللي في قلبي على لساني على طول”.
عمرو دياب وهالة صدقي
وكان الهضبة عمرو دياب كشف عن صورة جديدة من حلفه الأخير لـ الملكة صفصف الفنانة هالة صدقى، الذى أقيم في مدينة الغردقة محققاً نجاحاً كبيراً، وسط حضور عدد من الفنانين ونجوم الفن والمجتمع، حيث قدم الهضبة التحية لصفصف أمام جمهور ونشر تلك الصورة عبر صفحته الشخصية على موقع التواصل الاجتماعى "فيس بوك"، كما سأل في دعابة منه عن "وداد اللى عامله مشاكل"، في إشارة منه بإعجابه بمسلسل "جعفر العمدة" الذى عرض في رمضان وحقق نجاحاً كبيراً في شهر رمضان المنصرم بطولة النجم محمد رمضان، وتأليف وإخراج محمد سامى، وإنتاج ميديا هب سعدى وجوهر.
هالة صدقي تمازح جمهورها
ومن ناحية أخرى مازحت هالة صدقي جمهورها بصورتها كارتون "كاريكاتير" من شخصية الملكة صفصف التي جسدتها في مسلسل "جعفر العمدة"، ونشرت هالة صدقي الصورة عبر صفحتها الشخصية بموقع التواصل الاجتماعي إنستجرام، وكتبت: "هو أنا حكيت لكم لما عبدالجواد فسحني وخدني حفلة عمرو دياب الحلو، الله يرحمك يا عبده، مش كنت مت قبل ما أشوف عمرو".
