بالفيديو.. روشتة مصطفى حسني لإعادة بناء الإيمان

وصف الداعية الإسلامي مصطفى حسني، روشته لإعادة بناء الإيمان بالله: "أول حاجة شكك وزعلك، جزء من قصة حياتك مع ربنا، كثيرون يظنون إنهم ملحدون، وهو ليسوا كذلك، هو مش مؤمن بتصور الإله اللى اتقال عليه انه متربص بالناس وعاوز يدخلهم النار، ويعذبهم، سبب كل ده شوية تشويش، فأنت مش عارف رحمة ربنا فين". 

وتابع حسنى، خلال حلقة برنامج رميم، المذاع على فضائية الناس، اليوم الاثنين: "قلبك زعلان وشاكك وقلقان، أنت عند ربنا اللى قال فيهم (فاصبر لحكم ربك فأنت بأعيننا)، أنت بعين ورعاية الله، بالدليل أنت بتسمع تذكرة ربنا لك، انك أنت تراجع الفكرة، كمل حياتك بمراجعة نفسك".

واستكمل: "راجع معلوماتك اللى شككتك وصدتك فى وجود الله، أسأل أهل الله والتخصص عن تساؤلاتك عن الله، زى ما كان الناس بتسأل سيدنا النبى، أين كان الله، قبل خلق الدنيا، أين كان قبل خلق الدنيا، ومن خلق الله، والنبى سيدنا كان بيحكى لهم ويجاوب على تساؤلاتهم، دو ر على حد يساعدك فيما انهار بينك وبين الله".