حورية فرغلي: لقيت عندي عمل مدفون في البيت على ورقة زبدة

تحولت حورية فرغلي إلى ترند خلال الساعات القليلة الماضية عقب تصريحاتها للإعلامية إيمان الحصري في برنامج "مساء DMC على قناة دي إم سي.

وكشفت الفنانة حورية فرغلي، أنه قبل عامين كانت تتمنى الموت، وتحديدا وقت انتشار فيروس كورونا، بسبب عدم قدرتها على السفر لأمريكا والحصول على التأشيرة في ظل غلق السفارة، لاستكمال علاجها.

وأضافت حورية فرغلي: "من سنتين كنت عايزة أموت مش عايزة أعيش، فيه كورونا والدكتور اللي ممكن يعالجني موجود في أمريكا والسفارة مقفولة، وأنا مناخيري مش مناخير أصلا مش عارفة أبص في المراية ولا استطعم الأكل ولا أشم أي ريحة، بالنسبالي كان ايه الفرق بين العيشة والموت".

وأوضحت حورية فرغلي "اخدت ثقة في نفسي غريبة في الفترة الأخيرة، وبقيت اقول اللهم لك الحمد لله والشكر علي اللي أنا فيه، واللي مش عاجبه أي حاجة فيا بص الناحية التانية متبصليش بس أنا مبسوطة بنفسي جدا".

وأكدت حورية أنها باتت أفضل بكثير من قبل، وتستطيع أن تحدد رائحة أي شيء بسهولة، بعدما كانت قد فقدت حاسة الشم لفترة طويلة، وتابعت "المفروض اعمل حاجة واحدة ودي مش مهمة اوي، عشان الفتحات في أنفي تكون زي بعض بالظبط، بس دي تتعمل في اي وقت، عايزة ارتاح شوية من غرفة العمليات".

حورية فرغلي والعمليات الجراحية 

وأكدت حورية فرغلي أنها خضعت على مدار 8 سنوات لحوالي 27 عملية، وحول أعمالها الفنية الجديدة قالت : بذاكر الدور علشان الناس تصدقه، وعملت مسلسل واحد عرض على منصة شاهد ومحدش طلبني في حاجة تانية.

وتابعت: بنام بدرى بصلى وأقرا قرآن وألف التراك في نادي الجزيرة وأشوف الأخبار الجديدة وبقرأ أخبار الحوادث"، لافتة ألى أنها تعرضت لمشاكل كثيرة بعد مشاركتها في أحد المسلسلات الخاصة بعالم الجن قائلة: "ابتدت مشاكل تحصل بعد ساحرة الجنوب مش عارفة انا عملت حاجة غلط؟".

أضافت " لقيت عندي عمل في البيت ورقة زبدة مدفونة في زرعة مكتوب فيها حورية تصاب بالشلل والمرض وتصبح طريحة الفراش ويقف جوازها وخلفتها ورزقها ولقيت حتة من شعري..وفكيت العمل وبقيت أحسن..معرفش مين عمل كده بس قلت حسبى الله ونعم الوكيل".

آخر أعمال حورية فرغلي 

أخر أعمال الفنانة حورية فرغلي مسلسل "أيام" وشاركها البطولة شيري عادل، لقاء سويدان، رياض الخولي، أحمد صفوت، سلوى خطاب، رشدي الشامي.