رئيس التحرير
أحمد ناصف
رئيس التحرير
أحمد ناصف

السينارست إيهاب بليبل: خرجت مؤلف من السوبر ماركت

نشر
السينارست إيهاب بليبل
السينارست إيهاب بليبل

قال السينارست إيهاب بليبل إن في 2016 دخلت السوبر ماركت وخرجت مؤلف، وفاجئت أصدقائي في 2011 أثناء اللجان الشعبية بقدرتي علي التأليف وحكي القصص، جاء ذلك خلال لقاءه لبرنامج "علي نفس الموجة" تقديم إنجي أنور على  نغم إف إم.

وأضاف في مرة شفت أنا وأصدقائي الفنان "هشام ماجد" داخل السوبر ماركت، وصديقي شجعني إني أقدم نفسي له وأقول له إني مؤلف شاب ومجتهد، واتبادلنا الأرقام، وبعد كده في نفس اليوم بالصدفة شوفته تاني بالليل في كافيه، وقولت يبقى ده قدري بقي، وفعلا دعمني ووقف معايا جامد، وأعطاني دفعة كبيرة في مشواري.

وتابع هشام عرفني على كذا حد ومنهم فريق العمل اللي اشتغلت معاه فيلم "أوشن فورتين"، اللي قام ببطولته مجموعة فنانين مسرح مصر، أما مسلسل "طلقة حظ" في 2019، كان البداية الحقيقية ليا، وكان اسم على مسمى إني أشتغل على كذا مشروع.

واختتم قائلا بحب الكتابة في لون التشويق الكوميدي، زي "طلقة حظ" مع مصطفى خاطر، ومسلسل "مكتوب عليا" مع أكرم حسني وآيتن عامر.