تفاصيل حديث الرئيس السيسي إلى البابا تواضروس والمسيحيين بعيد الميلاد المجيد.. صور
استقبل المسيحيون الرئيس عبدالفتاح السيسي، بالورود والزغاريط، لدى وصوله كاتدرائية ميلاد المسيح، في العاصمة الإدارية الجديدة، للتهنئة بـ عيد الميلاد المجيد.
وقال الرئيس السيسي، خلال كلمته، في كاتدرائية ميلاد المسيح: "كل سنة وأنتم طيبين جميعًا، وعيد سعيد عليكم وعلينا، ويارب السنة الجديدة تكون سلام وأمن ومحبة على العالم أجمع، وليس مصر فقط، وأضاف: ”يا رب السنة دي تكون سنة خير وسلام وأمن وخير ومحبة على الدنيا كلها".
وذكر: “أنا عارف ان انهارده مناسبة سعيدة وجميلة، وكان المفروض أن أقول كل سنة وأنتم طيبين، وأترك الفرصة لقداسة البابا تواضروس الثاني، أنه يستكمل الصلاوات والاحتفالات”.
وأوضح الرئيس السيسي: “عاوز أقولكم أنتم متعرفوش مدى المحبة والتقدير والاعتزاز اللي بقدر به قداسة البابا تواضروس، وده مش فراغ”، وكشف أنه في كل مرة يسمع فيها حديث لقداسة البابا تواضروس الثاني، يجد فيه حكمة أو بلاغة عظيمة".
وأضاف: “لا أنسى حديث البابا الأخير حول أن الأديان تتوافق ومش لازم الأديان تتطابق، علشان تفضل محبتنا لبعض دون تمييز من غير ما أقول أبدًا، ولازم النقطة دي الشعب المصري أن النقطة دي تكون مأثرة في أنفسنا وأجيالنا القادمة”.
وشدد الرئيس السيسي: “كلنا محتاجين أننا نأكد أننا واحد، ومفيش أي شكل من أشكال التفرقة، اللي مش تنجح أبدًا، بقول كده لينا كلنا، وأحنا بنحبكم، وكل سنة وأنتم طيبين وعيد سعيد عليكم”.
