أمل رزق: اتعميت 6 شهور بسبب صدمات ورجعت أشوف تاني

كشفت الفنانة أمل رزق، تفاصيل فقداتها البصر لمدة 6 أشهر بسبب عدة مواقف صعبة مرت بها.

وقالت أمل رزق: "في 2013 كان ربنا ابتلاني كان عندي شوية صدمات، وكنت بفكر كتير جدا، وعندي عصب في دماغي ضرب واتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني".

وعن فترة زواجها من المنتج الراحل إسماعيل كتكت، وفق حديثها في برنامج "كلام الناس" الذي تقدمه ياسمين عز عبر شاشة "MBC مصر"، قالت: "لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها وجايب لها معالق ألماظ في البيت".

واستطردت: "وده مكنش له أي أساس من الصحة مخلتهوش يعملي بطولات ومكنتش هقبل، وهو مكنش عايز ينتج ليا من الأساس".

وأضافت: "كان بيقولي لا يصح إلا الصحيح، وإحنا هنبدأ واحدة واحدة، ولكن بعد فترة، كنت بلمح له إنه ينتجلي وسألني إيه اللي اتغير فيا لأن كبريائي كان بيمنعني أسأله".