«مستثمري العاشر من رمضان»: الرئيس السيسي قضى على البيروقراطية أمام الصناع
قال دكتور سمير عارف رئيس جمعية مستثمري العاشر من رمضان “إن المستثمرين والصناع كانوا بيعانوا من البيروقراطية والطلبات اللي بتتمضى زى التراخيص وغيره”، وتوجيهات الرئيس عبدالفتاح السيسي اليوم في الملتقى والمعرض الدولي الأول للصناعة كان نقلة في كل ما هو متعلق بالصناعة المصرية، -جاء ذلك خلال مداخلة هاتفية لبرنامج إيد فى إيد تقديم محمد بكر على نغم اف ام-.
و أضاف،"الرئيس اتكلم فى المؤتمر إنه هيعمل مكتب عنده فى مؤسسة رئاسة الجمهورية لمتابعة ملفات الصناعة، لأنه عايز يريح الناس ويخلي الإجراءات تخلص بسرعة تحت مظلة رئاسة الجمهورية، ويكون مفيش معوقات، ونحن نؤيد قراره بالطبع".
كما أوضح، “أن الرئيس قال للمهندس أحمد سمير وزير الصناعة والتجارة إن الدولة لازم تعطى نوع من أنواع التحفيز للموظفين اللي بيطلعوا الموافقات للجهات المعنية، عشان يبقى عندهم حماس لإنهاء الطلبات المقدمة في أسرع وقت”.
وأردف،"أما عن الإخوة المستثمرين لما كانوا بيتكلموا عن دراسات الجدوى، الرئيس قال دراسات جدوى إيه؟ الموضوع ده مطلوب في مصر ومش موجود، وبالتالي أي كمية هتنتجها انت متأكد إنك هتبيعها وتم تحديد عدد المشاريع المطلوب إننا ندخل فيها" .
واختتم قائلا: :منتظرين تفاعل أكتر من الصنّاع والمستثمرين بحيث يدخلوا في التصنيع سلع بيتم استيرادها من الخارج، أو استكمال الصناعة اللي قايمة على التجميع مع إضافة جودة عالية".
