حسين الشحات يكشف كواليس خناقته مع شيكابالا: «أنا أكتر واحد دافعت عنه»
تحدث حسين الشحات لاعب فريق الأهلي عن كواليس أزمته مع شيكابالا قائد فريق الزمالك، على خلفية مباراة كأس السوبر المصري، التي جمعت قطبي الكرة المصرية، على ملعب هزاع بن زايد بالإمارات.
وقال الشحات -في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد-: «لقيت مرة واحدة شيكابالا بيشتم بصيت له وقولت له أنت بتشتم مين قالي بشتمك أنت».
وأضاف «سألت شيكابالا كذا مرة بتشتم مين وقالي بشتمك أنت، إحنا متقابلناش بعد الماتش لكن أنا معنديش حاجة ناحيته».
وواصل الشحات: «أنا أكتر واحد دافعت عن شيكابالا لما الجمهور كان بيهاجمه، أنا معملتش حاجة وكـ حسين عمري ما أخطأت في حق حد سواء في الدوري أو غيره».
واختتم حسين الشحات، تصريحاته «عمري ما طلعت أدور على تريند أو عملت لقطة، إحنا كلنا زمايل، عمري ما أطلع أتكلم على زميل مش في مستواه علشان أطلع تريند، أنا معنديش أي مشكلة مع أي حد».
