أميرة عبد العظيم: صليت ركعتين قبل ما أتصل بـ عادل إمام
كشفت الإعلامية أميرة عبد العظيم عن صلاتها لركعتين قبل التحدث مع الفنان عادل إمام في التليفون.
وقالت أميرة عبد العظيم، في مقابلة مع ياسمين عز ببرنامج "كلام الناس"، أنها لا ترى مشكلة في أداء ركعتي قضاء الحاجة قبل حديثها مع عادل إمام.
وأضافت: "لما تكوني عايزة تعملي حاجة وعايزة ربنا يوفقك، بتدعي وبتصلي، مش عيب يعني".
وتابعت أميرة عبد العظيم: "الأستاذ عادل إمام كان أول حلقة لي في البرنامج، ابتدي بالقمة عشان بعد كده كل النجوم اللي جايين لي يكونوا من الدرجة الأولى، لكن لو ابتديت صغيرة هفضل صغيرة".
وأكدت: "في الوقت ده كان أستاذ عادل إمام مابيروحش البرامج، وأنا قلقانة إنه مايوافقش، عادي قمت صليت، وأنا الحمدلله بأصلي والله، قمت صليت وكلمته، عرفته بنفسي وقلت له عايزين حضرتك في البرنامج، رد بكلمتين وقال موافق".
واختتمت أميرة عبد العظيم تعقيبها متسائلة: "إيه المشكلة إن إحنا نصلي عشان ربنا يسهل لنا المهام اللي عايزينها؟"
