ميدو يحذر لاعبي الزمالك قبل مواجهة المقاصة.. «اوعوا تناموا.. الأهلي هيحارب»
حذر أحمد حسام ميدو، لاعبي فريق الكرة الأول بنادي الزمالك، قبل مواجهة مصر المقاصة في الدوري الممتاز هذا الموسم.
وقال ميدو، -في تصريحاته عبر برنامج الريمونتادا على قناة المحور-: "مباراة مصر المقاصة ليست سهلة، وهذه رسالتي للاعبي الزمالك".
أضاف: "رسالتي واضحة، أوعى حد ينيمك ويقولك احنا فقدنا أمل المنافسة على الدوري، ممكن الأهلي يكون خد قرار معين، لكن شخصية الأهلي وعقلية الأهلي، هتخليه يحارب لحد آخر نفس على الدوري"
وواصل: "مصر المقاصة مش سهل، والفريق الفيومي أحرج الأهلي في الدوري وكان قريب من التعادل، عشان كدة لازم لعيبة الزمالك تحارب وتخلق لنفسها دوافع".
وختم حديثه قائلا: "مفيش حد من منافسين الزمالك فقد الأمل في الدوري دي رسالتي للعيبة الزمالك، وأهم غياب للزمالك بكرة هو غياب فيريرا، المدرب صاحب الكاريزما والشخصية القوية بيكون ليه تأثير على اللعيبة وعدم وجوده بيفرق عشان كدة أسامة نبيه هيكون واقف على الخط ليه دور كبير جدا إنه ميحسس اللعيبة بغياب فيريرا".
