لاعب يد الزمالك يعلن اعتزاله: أصعب قرار لأي رياضي

أعلن محمد رمضان لاعب الفريق الأول لكرة اليد بنادي الزمالك اعتزاله اللعب رسميا، وذلك عبر صفحته الرسمية بموقع التواصل الاجتماعي "فيس بوك".

ونشر محمد رمضان رساله عبر حسابه الشخصي بموقع التواصل الاجتماعي "فيس بوك" أكد خلالها اعتزاله للعب بشكل رسمي. 

قرار صعب 

وكتب محمد رمضان عبر حسابه الشخصي على موقع التواصل الاجتماعي "فيس بوك": "اتخذت أصعب قرار ممكن لأي رياضي بيعشق لعبته وناديه إنه يخده وبعد تفكير كبير وتردد أكبر من كتر ما زمايلي طلبو أرجع عن قراري".

وتابع: "بس الحقيقة أنا شايف إن ده الوقت المناسب وخلاص عاوز ارتاح وخصوصًا أنا تعبت وقدمت كل اللي أقدر عليه واللي ما أقدرش وربنا يعلم خدت من صحتي ومن بيتي قد ايه".

وواصل نجم كرة اليد بنادي الزمالك: "وربنا يعلم إنى أخلصت فيها عشان بحبها وبحب أعظم نادى فى الكون وكان له الفضل بعد ربنا في اللي أنا وصلتله وفي تكوين شخصيتى".

وأتم: "هتوحشونى وخلاص هبقا واحد منكم من النهاردة يا أعظم جمهور في الدنيا".