علي الحجار يعلن عن ألبومه الجديد: «فيه 12 أغنية»
قال الفنان علي الحجار: أنا عاجبني جدا برنامج “لمن يهمه الفن”، و لما حد بيقولي إن في انحدار في الأغنية، بقول له إن لسه الناس بتسمع أغاني، من أصالة ومدحت صالح، وألبومي الجديد فيه 12 أغنية متنوعة، ومنهم أغنية "بطلة حكايتي".
جاء ذلك خلال مداخلة هاتفية لبرنامج لمن يهمه الفن الذي يذاع علي نغم اف ام من تقديم أميرة نور .
و أضاف لما شفت كلمات أغنية "بطلة حكايتي" في بوست لطارق علي، قلت له إنها عاجباني، واللحن عمله د. خالد داغر في يومين، وكانت تجربة جميلة، خالد داغر عازف تشيللو جامد جدا، بالإضافة إنه دكتور ومركزه كبير، ولما عمل لي أغنية "مافيناش من خوف"، شوفته بيختار الأنسب وكل شيء في مكانه الصحيح.
و اختتم قائلا عامل أغنية بتتكلم عن فكرة "لو يرجع الزمان"، الكليب كمان حلو، وبيعرض ذكرياتنا مع كل الكبار اللي اتربينا علي إيديهم زي أم كلثوم، رشدي أباظة، وعبد الحليم، ونجيب محفوظ، وعندي حفلة يوم السبت 2 يوليو 2022 فى المسرح المكشوف بالمنارة، بقيادة المايسترو أحمد عبد الشافى.
