«من انتاجي ورزقي على الله».. أحمد امين يُعلن عن مسلسل جديد لـ«الأطفال»

قال الفنان أحمد أمين، إنه سيبدأ بشكل عاجل للعمل في مسلسل «كرتون» جديد للأطفال، من انتاجه.

وكتب أحمد أمين، عبر صفحته الشخصية على «فيسبوك»: «طول الوقت عندي حلم مستمر إني أرجع أعمل عمل فني للأطفال، وفي دماغي أفكار كتير بتتحول لمشاريع على الورق والخطط تتأجل زي مشاريع تانية كتير، بس مع القلق اللي جوانا كلنا على ولادنا من المحتوى اللي بيتقدملهم واللي هو من غير بدائل تقريبا».

وتابع: «حسيت إن ده وقتها وقررت اتوكل على الله، وأشمر وأبدأ شغل فوراً وبشكل عاجل في مسلسل كرتون جديد للأطفال، قريب جداً هتتعرفوا على تفاصيل أكتر، العمل هايكون من إنتاجي ورزقي على الله، ويارب يطلع للنور قريب ونتعاون مع فنانين وجهات حابة فعلاً تطلع شغل يستحقه أطفالنا ومستقبلهم، دعواتكم لأولادنا، ربنا يحفظهم ويحفظ عقولهم».