«حمو بيكا» ينصح الطلبة: «العلم بيستر أوي والجهل مش حاجه تفّرح»
نصح مغني المهرجانات؛ حمو بيكا، طلبة الثانوية العامة والجامعات، بأهمية التعليم، تزامنا مع امتحانات نهاية العام الدراسي.
وقال «بيكا»، إنه عانى كثيرًا بسبب عدم تلقيه التعليم والالتحاق بالمدرسة في طفولته، مضيفًا أن العلم مهم من أجل تحقيق النجاح.
ونشر «بيكا» عبر صفحته الشخصية بموقع التواصل الاجتماعي «فيسبوك»: «رسالة لطلاب الثانوية العامة والكليات.. هو أنا أه مش متعلم وأخدت محو الأمية بالعافية، لكن ده مش حاجه تفرح ولا تقول (عندك بيكا اهو مش متعلم بس ناجح)، صدقوني و الله طعم النجاح مع العلم مختلف تماماً عن طعم النجاح من غير علم".
وتابع: «العلم بيفرق في كل حاجة في الدنيا، كمية معاناه بشوفها يومياً بسبب أني مش متعلم، كبيرة أوي مش بتمني حد منكم يشوفها أو يتعرض لها».
وأردف حمو بيكا: «العلم بيستر كتير أوي، وبيخليك واعي ومتفتح في كل مجالات الحياة، هو أه الشارع علمني كتير، بس مش زي المدارس والجامعات، حتي لو مش هتشتغل بشهادتك، وحتي لو دخلت كلية مش بتحبها، بس يكفي أنك متعلم ومعاك شهادة تقدر تسد بيها عين الشمس».
وأكد مغني المهرجانات: "اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده، أنا اه مادخلتش مدارس وماتعلمتش ، بس حابب كل اللي حواليا ناجح و متعلم وأوعى يوم تقول أهو فلان ناجح بس مش متعلم ".
