ميدو: كهربا أفضل من كل أجنحة الأهلي «10 مرات»

قال أحمد حسام ميدو، إن عودة محمود كهربا للأهلي مكسب كبير، مشددًا على أن رفض الزمالك لتقسيط مبلغ غرامته طبيعي ومن حق النادي.

وأضاف ميدو - في تصريحاته عبر برنامج "الريمونتادا" على قناة "المحور" -: "لو تقارن كهربا باللاعيبة اللي في مركزه بالأهلي، هتكتشف إن كهربا قد اللاعيبة اللي موجودة في الأهلي بمركزه 10 مرات".

وتابع: "بعيدًا عن اعتراضي على طريقة رحيل كهربا من الزمالك، لكن كهربا كلاعيب كورة، عودته مكسب للأهلي ولكن لازم يدفع الغرامة اللي عليه الأول للزمالك".

وختم حديثه قائلًا: "كهربا عامل زي الحصان اللي بيجري لازم تسيطر عليه صح، لو عرفت تسيطر عليه هيتألق معاك ولازم تتعامل معاه نفسيا بشكل كويس، ومحدش يقولي يقسط الفلوس للزمالك، التقسيط مرفوض وده حق الزمالك".