الرئيس السيسي: «البلد توقفت 50 سنة.. وبحلم بدخل تريليون دولار»
قال الرئيس عبد الفتاح السيسي، إن "بلدنا توقفت 50 سنة، متفكرش ولا تكبر، والبلد كبرت قوى، ومصر كبرت كحجم، لكن قدراتها ومواردها ما زادتش زيها، فغصب عنك وعننا، لازم يبقي في قفزة في معدلات العمل... طيب نمشى بالراحة؟: مش هينفع بالفعل متأخرين كتير".
جاء ذلك خلال افتتاح الرئيس، اليوم الإثنين، مشروعات الإنتاج الحيواني، والألبان، والمجازر الآلية، بمجمع إنتاج الألبان في مدينة السادات بمحافظة المنوفية.
وأضاف الرئيس: "بقول.. عظمنا ينشف لما تلاقوا دخلي تريليون دولار في السنة.. ووقتها يبقوا تحاسبوني.. ولكن نحلم ونجري على حلمنا ده.. أنا بنام وأحلم بدخل تريليون دولار، و10 تريليون دولار".
وتابع الرئيس السيسي: "إن ذلك ليس ببعيد على الله سبحان وتعالي.. وكل وقت بقول لك الحمد والشكر رغم كل الظروف التي نحن فيها.. وأقدر أقول معندناش مشكلة في حاجة والحمد لله.. كل حاجة بزيادة عشان دي مصر.. وعشان فضل وعطف وكرم ربنا اللي بيراضينا وهو قادر على ذلك".
