رئيس التحرير
أحمد ناصف
رئيس التحرير
أحمد ناصف

المخرج أحمد عقل: سمير صبري فنان فضله على الكبير والصغير في الوسط

نشر
مستقبل وطن نيوز

قال المخرج والفنان أحمد عقل إن أول فيلم سينما ليا هو فيلم "جحيم تحت الماء"، ولغاية النهارده الناس لما تقابلني بتقولي أنت بتاع "روق يا أبو علي" أو سقراط في "العفاريت"، جاء ذلك خلال مداخلة هاتفية لبرنامج "لمن يهمه الفن" والبرنامج من تقديم أميرة نور على إذاعة نغم إف إم. 
وأضاف، "كانوا بيدورو في فيلم "جحيم تحت الماء" على طفل يكون ابن الفنان سمير صبري رحمة الله عليه، وفي سياق الفيلم والدته أجنبية، فرشحني المخرج أحمد السبعاوي الله يرحمه، والفيلم من إنتاج سمير صبري، وقابلته هو والمخرج نادر جلال، وكانوا لطاف جدا معايا، ومستوعبين إني طفل، وأول مرة أمثل، والفيلم كله مشاهد أكشن، وفي الكواليس كنت سعيد جدا بلطف سمير صبري معايا.
والفيلم كان أول فيلم مصري بيتصور تحت الميه، وجزء كبير من نجاح الفيلم اتبني علي هذه الدعاية، وأستاذ سمير صبري كان فنان صاحب هدف، كان بينتج للتاريخ مش عشان يكسب فلوس بس، و قام بتصويره سعيد الشيمي".  
وتابع، "سمير صبري كان فنان كريم وكبير ومؤدب، وطيب، وكأنه واحد من أهلي، كان حنون جدا لأن سني كان صغير ٦ - ٧ سنين ودوري كان بطولة، وغلطتي بتكلف إعادة وفلوس، وهو المنتج ورغم كده كان مثال للطيبة والأخلاق، وكان راقي جدا".

واختتم قائلا:" سمير صبري الله يرحمه كان فخور جدا بيا لما اتقابلنا في ماسبيرو.. وضحك لما لاقاني كبرت وبقيت مخرج.. وطلب مني أرجع أمثل تاني، وهو فنان فضله علي الوسط الفني كبير وصغير، كان بيسافر لأي حد عشان يقف جنبه لو عنده مشكلة.. ربنا يرحمه يارب".

عاجل