بالفيديو.. تسريب جديد لخيرت الشاطر يزعم عدم الدفع بمرشح إخواني للرئاسة ويهاجم أبو الفتوح
أذاعت الحلقة الجديدة من مسلسل الاختيار، الجزء الثالث، اليوم، تسريبا جديدا ظهر فيه المعزول محمد مرسي، والقيادي في التنظيم الإرهابي خيرت الشاطر.
وزعم خيرت الشاطر، خلال التسريب بأن تنظيم الإخوان اتخذ قرارا بعدم الدفع بمرشح رئاسي، وهو الأمر الذي ثبت فيما بعد زيفه حيث دفعت الجماعة بمحمد مرسي في الانتخابات الرئاسية، كما ظهر وهو يهاجم القيادي الإخواني عبدالمنعم أبو الفتوح بسبب ترشحه للرئاسة.
وظهر الشاطر، في الفيديو وهو يدعي "إحنا كجماعة واخدين قرار استراتيجي بأن لا يكون لنا مرشح للرئاسة"، مضيفا على حد زعمه "واحنا بنقول هذا الكلام من عدة اعتبارات".
وتحدث عن الاعتبارات التي ادعاها قائلا "إحنا جزء من منظومة دولية فلازم أنا دلوقتي مكررش مأساة غزة هنا وحماس وأنا مدرك إن مشكلة مصر الآن وأزمتها لا يمكن فصيل يعرف يشيلها لوحده".
وأضاف "لازم الكل يحط إيده في ايد بعض فلو أنا جيت فرضت نفسي وقلت أنا هقدم مرشح للرئاسة وحشدت.. والناس راحت وانتخبته ف أنا خلاص يعني.. يعني حفزت ضد كل اللي ممكن عايز يتحفز".
وتابع "طب ما أنا اشتغل من ورا أو اشتغل بشكل جزئي لو الظروف سمحت واحط إيدي في ايدين الكل على الأقل على ما يجربني مرة أو اتنين ويصدق إن أنا مش هدفي الحكم".
وهاجم الشاطر، القيادي الإخواني عبدالمنعم أبو الفتوح، حيث قال "عبدالمنعم له توجه إن هو عايز ينزل رئيس جمهورية ف واخد خط، ف إنت يا دكتور يحيى بتدعيه بصفته إيه؟!. وتحطه هو ولا إتنين وعصام وتدي إحساس إن دول الإخوان، واخد بال حضرتك وسايبنا إحنا كلنا؟! ".
