كمال أبو راية: «أنا كوميدي جدًا بعيد عن الكاميرا»
قال الفنان كمال أبو راية، إنه يتمتع بشخصية كوميدية للغاية بعيدًا عن الكاميرا، لافتًا إلى عشقه لتقديم الأدوار التاريخية.
وأضاف أبو راية - في مداخلة هاتفية في برنامج “اللمة تحلى”، على إذاعة “شعبي أف أم”، من تقديم شيماء السباعي -: «الأدوار التاريخية هي اللي بتحبني بمعنى أنا اللي بتطلب ليها، وأنا بستمتع بأدائها، مفيش عمل أنا اللي اخترته، هما بيشوفوا أن أنا مناسب للشخصية فبيختاروني، وورا الكاميرا أنا مش دمى خفيف بس، أنا فوضوي وكسلان وحاجات كتير».
وتابع أبو راية: «عملت حاجات كوميدي زي عفاريت عدلي علام اتصنف لايت كوميدي، ومأمون وشركاه كوميديا موقف، وفيه حاجات تانية كتير، وممكن أكمل كوميدي بس للأسف الكتابة الكوميدية أصعب من الكتابة التقليدية».
واختتم: «الكوميديا الراقية هي الشخصية اللي تعمل أفعال جادة ينتج عنها ضحك، هي ديه الكوميديا الحقيقية اللي اتعلمناها في المعهد، زي اللي بيعملها عادل إمام ديه كوميديا حقيقية».
