كيف تحتسب دار الإفتاء قيمة زكاة الفطر؟

نشرت دار الإفتاء، عبر صفحتها الرسمية بموقع "فيس بوك"، مساء اليوم السبت، طريقة احتساب قيمة زكاة الفطر.

وجاءت الحسبة كالتالي:

اعرف دار الإفتاء المصرية حسبت قيمة زكاة الفطر ازاى بطريقة سهله وبسيطة وميسرة ولغة عامية أيضا سهله وبسيطة 
__
حسبناها على القمح اللى بيتعمل منه العيش اللى كل الناس فى مصر بتاكله 
طيب سعر أردب القمح كام ٩٠٠ جنيه
والأردب فيه ١٥٠ كيلو
يبقى سعر الكيلو كام ٦ جنيه
طيب والزكاة أد إيه صاع من قمح
طيب الصاع يساوي كام كيلو طلع يساوي ٢.٠٤ كيلو
يبقى نضرب ٢.٠٤ كيلو * ٦
يطلع الناتج ١٢.٢٤ جنيه
ودار الإفتاء قالت إنه ١٥ جنيه 
يعني كمان مزودين عن السعر بشويه بحيث اختلاف الأسعار في الأردب
و ١٥ جنيه الحد الأدنى يعني طلع أكتر من ١٥ جنيه لو معاك ودخلك يسمح لك
بس اللى مش هيقدر فأقل حاجه يطلعها عن الفرد ١٥ جنيه
وتخرج قبل صلاة العيد
ويجوز إخراجها من أول يوم في رمضان