آدم شرقاوي: عشت أحداث فيلم «عسل أسود» في الحقيقة
قال الفنان آدم شرقاوي، إنه لم يكن يعرف من اللغة العربية سوى عبارات بسيطة يتحدث بها أحيانا مع والديه في أمريكا، وبالتالي لم يتعلم سوى اللغة الإنجليزية.
وأضاف آدم - خلال حواره مع الإعلامية منى الشاذلي في برنامج "معكم منى الشاذلي"، على قناة CBC، مساء الخميس - أنه زار مصر مرة واحدة قبل دخول مجال التمثيل، وظل طوال فترة تواجده في هذه الزيارة في محافظة كفر الشيخ، لدى أسرته، ولم يتعلم اللغة العربية، بل جمل بسيطة منها، قائلًا: "ولاد عمي عارفين إني بتكلم إنجليزي بس والعربي ضعيف جدًا، فبقوا يستخدموا جمل بسيطة عشان أفهم، وشوية ويتريقوا على العربي بتاعي، وأنا برضو كنت بتريق على الإنجليزي بتاعهم وعادي".
من جانبها، أخبرته الإعلامية منى الشاذلي أن قصته تشبه ما حدث للفنان أحمد حلمي في فيلم "عسل أسود"، ليرد عليها: "أنا عارف الفيلم ده وعشته كمان، خاصة أول مشهد لما كان مع السواق في العربية والسواق قاله خلي الفلوس حسيت بيه أوي في اللحظة دي اللي هو ازاي مدفعش يعني ولا إيه، وكمان مشهد لما كان بيبدل الدولار ومش فاهم لأن أنا لما نزلت مكنتش فاهم هصرف فلوس ازاي".
