رشوان توفيق يدخل في نوبة بكاء ويكشف تفاصيل حجر ابنته عليه.. فيديو

دخل الفنان رشوان توفيق، في نوبة بكاء خلال استضافته ببرنامج “واحد من الناس” الذي يقدمه الإعلامي عمرو الليثي بقناة “الحياة” حزنًا على إقامة ابنته آية وزوجها ونجلهما، قضية حجر ضده.

وأكد خلال لقائه :"بنتى آية هي وجوزها وابنها رفعوا عليا قضية حجر رغم إني اديتهم حياتي كلها واللى بيحصل ده هسيبه للقانون يعني، أنا اثق في عدالة القانون لأني انا مقصرتش مع حد، وبعد عمرى ده كله لا أملك الى تليفون محمول وفضل الله علي سبحانه وتعالي هو أن يخرجني من الدنيا آمنا".

وأضاف: "وزعت تركتي كلها علي زوجتي رحمها الله واولادي، وأتذكر أنني مريت بالكثير من الظروف الصعبة وكانت مراتي تبقي نايمة جانبي وابص لها واقولها انتى فولاذ ومتقوليش ولا تشتكي من ظروفي الصعبة، واقسم بالله خلال 62 سنة لم تقل لي زوجتي ولو لمرة واحدة بكرة هنعمل ايه رغم الظروف الصعبة اللي مريت بيها".

ولفت: "كنت بحب أفرح مراتي واجيب العربية باسمها وكل شيء باسمها علشان اسعدها، وهبة رشوان بنتي تقولي مشوفتش راجل حب مراته وهي عايشة وميتة زي رشوان توفيق".

وأكدت هبة رشوان توفيق: "كان رشوان توفيق علي يقين انه هيتوفي قبل أمي علشان كده كل حاجة كتبها باسمها وباسمنا".

ووجه رشوان توفيق رسالة مؤثرة لابنته آية التي أقامت دعوى قضائية بالحجر عليه، قائلا: "حياتي فيها تجارب قاسية جدا وأقسى تجربة اللي عشتها دلوقتي، وفي البيت باقعد اكلم نفسي ازاي أعطيت بلا حساب وبعدين يحصل معاك كده، انا بقيت المقتول الحي، بس انا سايبها لربنا وللقضاء واثق في القضاء العادل، وبإذن الله كل من خطط ضدي سيرد كيده في نحره".

وعلق الإعلامي عمرو الليثي: "اللى ملهوش خير في رشوان توفيق ملهوش خير في حد، وكما تدين تدان"، ليعلق رشوان توفيق: "انا بحب ولادي كلهم".