طارق صبري: تخرجت من كلية الهندسة قبل التحاقي بأكاديمية الفنون
قال الفنان طارق صبري، إنه تخرج من كلية الهندسة جامعة القاهرة، وذلك قبل الالتحاق بأكاديمية الفنون والمعهد العالي للفنون المسرحية.
وكتب طارق صبري - عبر حسابه على موقع التواصل الاجتماعي "فيسبوك"، مساء الجمعة -: "ناس كتير متعرفش أني خريج كلية الهندسة جامعة القاهرة قسم الهندسة المعمارية وده قبل ما أدخل أكاديمية الفنون والمعهد العالي للفنون المسرحية قسم التمثيل والإخراج".
وتابع: "طول الوقت بعمل حاجات كتير قوي جنب بعض وكتير ده ييجي على حساب حاجات تانية في حياتي وبتضطر اتخلى عنها ويمكن كتير كنت بكتشف إني ببعد عن الناس أو حتى دواير علاقاتك الاجتماعية بتقل غصب عني، لكن مع كل نجاح الواحد بيوصله بحس أن ده بيبقى العوض".
وأضاف طارق صبري: "ريادة الأعمال كده، هتمثل، هتشتغل في الاستثمار العقاري، هتشتغل في مجال الترفيه أيًا كان مجال شغلك لازم تشتغل في الوقت اللي غيرك فيه بيخرج بينام بيستريح بيسافر.. لأن الوقت ده هو اللي بيفرقك عن غيرك".
