رئيس مجلس الإدارة
أشرف رشاد
نائب رئيس مجلس الإدارة
دينا عبد الكريم
رئيس التحرير
أحمد ناصف
رئيس مجلس الإدارة
أشرف رشاد
نائب رئيس مجلس الإدارة
دينا عبد الكريم
رئيس التحرير
أحمد ناصف

السيسي: مش هاندخل بضايع إلا بمعايير أوروبية.. والمنتج اللي يترمي بعد أسبوع مش هايدخل

نشر
الرئيس عبد الفتاح
الرئيس عبد الفتاح السيسي

علق الرئيس عبدالفتاح السيسي، على كلمة وزير المالية، الدكتور محمد معيط، بشأن ميكنة الجمارك في مصر، أثناء تفقد الرئيس أعمال تطوير ميناء الإسكندرية البحري، قائلا "عاوزين نتكلم ونشتغل زي ما كل الناس بتشتغل عاملين ميكنة كاملة لكل إجراءاتنا سواء في الضرايب أو الجمارك وهانبدأ العمل بيها في مارس 2022".

وأضاف الرئيس السيسي: "بقول الكلام ده علشان الشركات والناس يساعدوا الحكومة لتسهيل أعمالهم وإجراءاتهم، وعلشان يكون في قدر كامل في الشفافية في الأداء علشان ما تقولش بدخل أخلص مصالح بشكل مش مريح".

وتابع الرئيس "احنا بنقول الكلام اللي بتقوله الدولة المتقدمة في التجارة عبر الدول لن  نسمح بدخول بضائع لمصر إلا بمعايير أوروبية، مش هانقبل بأن أي حد يستورد أي حاجة تشتغل لمدة أسبوع وبعد كده تترمي.. مش هانسمح لأي مستورد يجيب أي حاجة مش هانوافق له".

واستكمل "الكام شهر اللي فاتوا كان عبارة عن إجراءات اختبارية ومن مارس 2022 هانستورد بالمعايير الأوروبية، وادينا فرصة للمستوردين ينتبهوا لما ييجوا يتعاقدوا يتعاقدوا على بضايع ومواد يطبق عليها هذا الكلام".

ووجه الرئيس سؤالا إلى وزير المالية، قائلا "لو مش هانبقى جاهزين في مارس 22 نقول؟"، فأجاب الوزير "جاهزين من 31 ديسمبر 2021".

وقال الرئيس "مش هايحصل الكلام اللي كان موجود قبل كده".

وتفقد الرئيس السيسي ميناء الإسكندرية البحري للإطلاع على عملية التطوير بمرافقه، صباح اليوم.

وصرح المتحدث الرسمي باسم رئاسة الجمهورية، السفير بسام راضي، بأن الرئيس عبد الفتاح السيسي، يتفقد صباح اليوم الثلاثاء، ميناء الإسكندرية البحري، ويطلع على عملية التطوير في مرافقه، خاصة المحطة اللوجستية متعددة الأغراض والأرصفة البحرية ومستودعات التخزين الحديثة.