حسناء سيف الدين تكشف عن حالتها الصحية وتفاصيل معاناتها مع المرض
طالبت الفنانة حسناء سيف الدين جمهورها بالدعاء لها، بعد إصابتها بأورام وجلطة مؤخرا .
ونشرت حسناء عبر حسابها الشخصي فيس بوك اليوم الإثنين، قائلة، “يا رب أنا بقالي من شهر ١٢ اللي فات وانا ما بلحقش ارفع راسي اخلص من مرض ادخل في مرض تاني اخلص من مرض ادخل في إصابة أنا بقيت ادخل المستشفى بمعدل مرة كل أسبوع”.
وأضافت، “أخباري في مواقع الأخبار كلها بقت عن مرضي أكتر من شغلي .. و بقيت اعتذر عن مقابلات شغلي بسبب إني مريضة .. مرة جلطة على الرئة و مرة أورام في الرقبة و مرة التهاب الغدد الليمفاوية و مرة حصوة في الحالب و كل شهر تحاليل و أدوية و دكاترة “.
وتابعت، “مرة معمل "…" يغلط غلطة مطبعية في نسبة الكولسترول واخد دوا كولسترول وانا ماعنديش كولسترول و كنت هموت فيها .. و مرة نسبة الاكسجين تقل و نفسي يروح و يركبولي اكسجين .. و اخرتها وقعت على ضهري و مش قادرة امشي على رجلي “.
واستطردت، ” الحمد لله على كل شئ بس بجد انا تعبت نفسي اعرف انا ايه اللي بيحصلي ؟! انا بقيت أدبح تقريبا كل شهر و بزكي و بتصدق على طول و مشغلة الرقية الشرعية في البيت ٢٤ ساعة و بسبح و بقرا قران علطول حتى الناس اللي نصبوا عليا او اذوني سامحتهم ..يا رب نفسي ارجع لحياتي الطبيعية”.
